Posts

Showing posts from August, 2024

84. SISYA ĨVINDA YA MBEVO

  SISYA ĨVINDA YA MBEVO (Amid the winters snow) 1. Sisya ĩvinda ya mbevo,  Asyaiwe nũndũ witũ,  Sisya kalondu ka Ngai,  Kala twathiwe tene.  Taĩĩai mũthenya ũũ,  Taĩĩai ũtangĩĩo wa Ngai,  Twinei na ũtanu Yesũ nũsyaiwe Vethelemu.  2. Ngai amamĩte kwa indo,  Mũmbĩ wa ĩtu na nthĩ.  Ũla mũsumbĩ waitũ,  Ekalaa na alaĩka.  3. Neenai aĩthi ma indo,  Wĩvo ũvoo mũseo,  Nĩkĩ mwatia indo syenyu,  Weũnĩ kũndũ kũasa.  4. Ũtukũ twĩna indo,  Twonie kyeni kya ũseng'ya,  Alaĩka makina,  Twatavw'a ĩsyawa yake.  5. Kana kaa katheu Wendo wako ũtilyĩ ata? Kuma ũtanunĩ ũsu,  Tũkathi ĩtunĩ.  6. Tũmanyĩsye kaũkenge,  Kwa moko maku matheu Twony'e twĩkale taku,  Nthĩnĩ wa tei waku.  (Amen)

85. NĨMWINĨA MŨTANGĨĨI

  NĨMWINĨA MŨTANGĨĨI (I will sing of my redeemer) 1. Nĩmwinĩa Mũtangĩĩi,  Nũndũ ambendie nyie,  Vu mũkelany'onĩ akw'a,  Anthasye mawathenĩ.  Nĩmwinĩa Mũtangĩĩi,  Nũndũ ambendie nyie,  Mũkelany'onĩ akwie,  Andekea naĩ syakwa.  2. Nĩngũtavanya Mũtangĩĩi,  Ũndũ natangĩiwe,  Neewĩw'e tei mũnene vyũ,  Nanengwa thayũ mana.  3. Nĩngũmũkatha Mũtangĩĩi,  Nũndũ wa vinya wake,  Ũla we wangwiĩe nyie,  Wa ũkĩlya naĩ na kĩkw'ũ.  4. Nĩmwinĩa Mũtangĩĩi,  nũndũ wa wendo wake,  Anumisye nĩ kĩkw'ũnĩ,  Mwana wa Ngai ũla waw'o (Amen)

86. ALAĨKA MAĨTUNĨ

  ALAĨKA MAĨTUNĨ (The angels from the reams) 1. Alaĩka ma ĩtunĩ,  Nĩmavikie kũũ nthĩ,  Nĩmatavanisye tene; Kũsyawa kwa Mwĩaĩi: Tũthaithe,  Tũthaithe,  Yesũ Klĩsto Mũsumbĩ,  2. Aĩthi meku weũnĩ,  Masyaĩĩsye indo syoo,  Ngai nĩwũkie andũnĩ; Sisyai kyeni kyake yu.  3. Nĩmataviw'e ũmũnthĩ,  Mũsyĩ wa vethelemu; Nĩmũsyaĩwe Mũtangĩĩi,  Na Mũsumbĩ wa Asumbĩ.  (Amen)

87. WUMĨLONĨ WA SYŨA

  WUMĨLONĨ WA SYŨA (As with gladness men of old) 1. Wumĩlonĩ wa syũa,  Mooka mate ũalyũko,  Nĩmamyonie ndata,  Nĩmamĩvikĩlile,  Nĩmatanie mũno,  Yĩla yoonekie,  2. Nĩmatanie ĩngĩ,  Mamwona ũsu Mwana,  Na nyinya kasũmbanĩ,  Nĩ kasũmba ka ũthĩni,  Na yĩla malikile,  Makĩmũthaitha.  3. Maumisye mĩthĩnzĩo Makĩmũtaĩa mũno,  O ta ũũ tũmumĩsye,  Ĩla yaitũ yĩ vata,  Nũndũ we ũsu Mwana,  Nĩ Yesũ Klĩsto Mwĩaĩi.  4. Twĩũvoya Mwĩaĩi,  Ũtũtongoesye; Twĩthĩwe vo naitũ,  Tũkũthaithe vo mũno,  Wĩthĩwe mũminĩo,  Kũtũtwaa ĩtunĩ.  (Amen)

88. TENE MŨSYĨ WA NDAVITI

   TENE MŨSYĨ WA NDAVITI (Once in royal David's city) 1. Tene mũsyĩ wa Ndaviti, Kasũmbanĩ ka indo,  Vokie kĩveti kĩkya, kĩkwete kaũkenge kakyo,  Meli nĩwe ũla nyinya, Yesũ kavĩsĩ kake kaseo 2. Yesũ kũya ĩũlũ ĩtunĩ, nĩwatiie ũsumbĩ,  Ona ndaanengwa ũthei, amamĩe na ngombe,  Okie ta mũndũ ngya, kũtũa naitũ kũũ nthĩ.  3. Yesũ yĩla waĩ mũnini, Aĩ mwana mwĩwi mũno,  Nĩwamwĩw'aa nyinya mũno, ĩla waĩ mũnini Kĩla mwana aĩlwe, kwĩthĩwa mwĩwi take.  4. Nayu Yesũ atw'ĩkie, ngelekany'o nzeo yaitũ Tondũ aĩ na mathĩna, mathĩna ala maitũ,  Kũtheka na kũĩa, aĩ na syonthe sitũ.  (Amen)

89. YESŨ NĨWOOKIE VETHELEEMU

  YESŨ NĨWOOKIE VETHELEEMU (Jesus my Saviour to Bethlehem came) 1. Yesu nĩwookie Vetheleemu,  Asyaĩwe nza ya ng'ombe ta ngya,  Kwaĩ ũseng'yo kwatw'ĩkie ata? Aimantha nyie onyie.  Aimantha nyie onyie,  Aimantha nyie onyie,  Kwaĩ ũseng'yo kwatw'ĩkie ata? Aimantha nyie onyie.  2. Yesũ Mũndangĩĩi ku Kaivalĩ,  Nĩwaĩvie thiĩ anthasya,  Kwaĩ ũseng'yo kwatw'ĩkie ata? Aingwĩĩa nyie onyie.  Aingwĩĩa nyie onyie,  Aingwĩĩa nyie onyie,  Kwaĩ ũseng'yo kwatw'ĩkie ata? Aingwĩĩa nyie onyie.  3. Yesũ Mũndangĩĩi wa tene nayu,  Yĩla naĩ kũasa nĩmwove nĩ naĩ,  Kavola kwe'vinda nĩwambĩtie,  Ambĩta nyie onyie.  Aimbĩta nyie onyie,  Aimbĩta nyie onyie,  Kavola kwe'vinda nĩwambĩtie,  Ambĩta nyie onyie.  4. Yesũ Mũndangĩĩi nũkoka ĩngĩ,  Watho wake nũkeanĩw'a vyũ,  Nĩngamwona ĩũlũ yayayanĩ,  Aimbĩta nyie onyie.  Aimbĩsĩa nyie onyie,  Aimbĩsĩa nyie onyie,  Nĩngamwona ĩũlũ yayayanĩ,...

90. TANAI MŨNO ANDŨ ONTHE

  TANAI MŨNO ANDŨ ONTHE (Joy to the world) 1. Tanai mũno andũ onthe Yesũ nũsyaiwe Mũmanthĩei ũthei alike ngoonĩ syenyu,  Ame ĩtunĩ o na nthĩ mũmwinĩei Mwĩaĩi,  Nũsyaiwe Mwana wa Ngai Mũtũtangĩĩi.  2. Tũmwinĩei Mũtũtangĩĩi tũmwinĩei mũno,  Aĩthi o na aĩmi iĩmanĩ na ndiĩnĩ,  Tũmwinĩei Mwĩaĩi tũmwinĩei n'otanu,  Nũsyaiwe Mwana wa Ngai Mũtũtangĩĩi.  3. Nĩ mũsumbĩ mũnene mbee ũkĩlĩte onthe,  Ndaĩa yake nĩyo nene ausũĩte ũtanu,  Ena wendo Mwĩaĩi ena wendo mũnene; Nũsyaiwe Mwana wa Ngai Mũtũtangĩĩi.  (Amen)

91. YESŨ MWANA WA NGAI

  YESŨ MWANA WA NGAI (Away in a manger) 1. Yesũ Mwana wa Ngai nĩwasyaiwe,  O vala indo inengeawe lĩu,  Na alaĩka nĩmatavanisye; Ũsumbĩ wa Klĩsto Mũtangĩĩi waitũ.  2. Ndata ya ĩtunĩ nĩyonekie Na nĩyamatongoesye andũ oĩ; Kũvika vala kana kamamĩtwe; Na mavota nyũmba kũkathaitha.  3. Yesũ Klĩsto nĩngwĩnengane kwaku,  Osa thayũ wakwa ndongoesye,  Nzĩanĩ syaku syonthe nĩ kũkũ nthĩ; N'imbikya ĩtunĩ kwaku na mũyo.  (Amen)

92. ETĨKĨLI ALA MENA ŨTANU

  ETĨKĨLI ALA MENA ŨTANU (Christian awake, salute the happy morning) 1. Etĩkĩli ala mena ũtanu,  Ũmũnthĩ ũkĩlai na mĩtũkĩ; Yesũ Mũtangĩĩi wa nthĩ yonthe.  Nũsyaiwe Mwana wa Ngai waitũ Kĩmbithĩ kya wendo kĩnyaĩkwe,  Andũ onthe nĩmamũsũng'ũkye.  2. Nĩ mũlaĩka watavanisye,  Ũla waetie ndeto syake; Kwa andũ ala mai weũnĩ,  Kwonany'a wendo wa Ngai mũnene: Mũlaĩka nĩwamatavisye.  Nĩnamũetee ũvoo mũseo.  3. Ũmũnthĩ Ngai nĩweanĩsya,  Watho wake kwa andũ onthe; Mũtangĩĩi wa andũ nũsyaiwe,  We ũsu watavaniw'e,  Ũvoo mũseo wa andũ onthe.  Kwa mbaĩ syonthe sya nthĩ.  4. Kavinda kau alaĩka aingĩ,  Me vamwe na masoo maingĩ; Makina mbathi syoo sya wendo,  Nĩ wendo ũsu wĩna wovosya: Ndaĩa ya Ngai wĩ ĩũlũ,  Na kwa andũ kwĩthĩwe nguma.  (Amen)

93. ŨTUKŨ MWEŨ NDATA ĨKĨTISA VYŨ

  ŨTUKŨ MWEŨ NDATA ĨKĨTISA VYŨ (O holy night) 1. Ũtukũ mweũ ndata ĩkĩtisa vyũ Sya ĩsyawa ya Mwĩaĩi Yesũ,  Na nthĩ yonthe yavwĩkĩtwe nĩ naĩ vyũ; Nĩwe wookie kũtangĩĩa nthĩ,  Nĩwe wĩkwatyo waw'o twĩkwatĩtye,  Yĩla kwakyee kwaĩ ũtanu wo: Inywĩ tulyai ndu, mwĩw'e wasya wa alaĩka,  Ũtukũ mũtheu ũla Yesũ wasyaiwe.  Ũtukũ mũtheu ũla wasyaiwe.  2. Atwonisye kwendana ithyonthe vyũ,  Mwĩao wake ũ wa mbee nĩ wendo; We akaananga wĩa wa satani,  Vinya wake ũkaananga wonthe,  Tũkamwinĩa mbathi ii sya ndaĩa,  Tũmwinĩe we Yesũ mũsumbĩ.  Nĩwe mũsumbĩ w'o nĩwĩsĩ mavata maitũ; Mũsumbĩ nĩ Yesũ nĩwĩsĩ mavata maitũ.  Musumbĩ nĩ Yesu nĩwĩsĩ mavata maitũ.  3. Tũmũkathei Mwana ũsu wa ũsumbĩnĩ,  Tũmũkathei kwa meko maĩtu onthe.  Nake nĩwookie kũtwovosya ithyĩ; Nĩ kana tũmũmanye Ngai asa,  Nĩwe kyeni kĩmulĩkĩte andũ onthe.  Nĩwe kyeni kĩla kĩkenete; Nĩw'o tũmũkathei ĩĩ tũmũkathei ithyonthe,  Nĩw'o tũmũkathei nĩ mwovosya...

94. AKLĨSTO ASEO TANAI NA NGOO

AKLĨSTO ASEO TANAI NA NGOO (Good christian men) 1. Aklĩsto aseo tanai ngoo Mathayũ menyu mũtaĩei Ngai; Mũtaĩei mũkyasya atĩĩ ũvoo,  Klĩsto nũsyaiwe ũmũnthĩ; Mang'oĩ na Ng'ombe syonthe Nĩsyĩũtulya ndu syoo.  Asyaiwe kwa ng'ombe nũsyaiwe Yesu 2. Aklĩsto maw'o tanai ngoo Mathayũ menyu mũtaĩei Ngai; Ithyĩ yu nĩtũtanaa mũno.  Yesũ Klĩsto nũsyaiwe,  Avingũa mũomo ĩtunĩ,  Na andũ nĩaathime,  Klĩsto asyaiwe ũũ atũtangĩĩe 3. Aklĩsto maw'o tanai ngoo,  Mathayũ mũmanengei Ngai Kũũ yu kwĩna mũuo mũuo,  Nũndũ wake mũtangĩĩi; Etwĩta tũke kwake,  Mũsyĩ tũke kwake.  Mũsyĩ wa ũtanu mwingĩ; Ookie atũvonokye twĩthĩwe thayũ.                                                                            (Amen)  

95. YESŨ NĨWOOKIE KŨŨ NTHĨ

  YESŨ NĨWOOKIE KŨŨ NTHĨ (Jesus who lived above) 1. Yesũ nĩwookie kũũ nthĩ Akyũma kwake ĩtunĩ: Ĩvukunĩ nĩtũsomaa Ũndũ waĩ mwana wa Ngai.  2. Nĩwaendie mĩsyĩ mũno One awau na anyamai; Onthe makĩmũthengeea,  Nake akĩmavosya vyũ.  Na ĩndĩ, amatavisye Ũvoo wa wendo ũũ wa Ngai: Ũndũ wamaekee naĩ,  Na ũndũ ũmasũvĩaa.  3. Ĩndĩ andũ maleile,  Makĩmũkwata mamũae,  Makĩmwamba vau mũtĩnĩ Matesĩ aĩ Mwovosya woo.  4. Ti atĩ aĩ mũthũku,  Ndaĩ na ĩvĩtyo nongi; Ĩndĩ eetĩkĩla kũkw'a Kana atwovosye ithyĩ.  (Amen)

96. NĨNGWENDA ŨVOO WA YESŨ

  NĨNGWENDA ŨVOO WA YESŨ (It is just like Him) 1. Nĩngwenda ũvoo wa Yesũ mũno,  Wendo wake nĩwaũseng'ya mũno Nĩwaumie ĩtunĩ akwa vo ngelany'onĩ,  Nĩ ũvoo wa wendo mũnene mũno.  Ũndũ ũtilyĩ ndekea nyie vyũ,  Ũndũ ũtilyĩ nĩwangwiĩe nyie Nĩkana nyie nĩvike vala we wĩkalaa.   2. Nĩngwenda kũsoma ũndũ we waendaa,  Kũndũ kw'onthe nĩweekaa wĩa mũseo,  Ilalinda syasalukw'a na awau mavow'a,  Syana nini nĩ-sya-mwendaa Yesũ.  3. Naw'o wĩko wa Yesũ ngelany'onĩ,  Wonanasya wendo mũnene mũno,  Nthakame yetĩka nthĩ nĩkana tũtangĩĩwe,  Na nĩwaĩvie mathiĩ maitũ.  (Amen)

97. NA ŨNĨ ŨSU YOANA AMWONA

  NA ŨNĨ ŨSU YOANA AMWONA (He has taken my sins away) 1. Na ũnĩ ũsu Yoana amwona,  Yesũ okĩte kwake.  Na asya onai kalondu ka Ngai,  Kala kakaumya naĩ.  Onai ũũ nĩwe naneenie,  Ũndũ wake atĩĩ ĩtina wakwa,  Nĩvokĩte mũndũ ũla wĩ mbee,  Nũndũ aĩ mbee wakwa.  2. Na ndyamwĩsĩ ĩndĩ nĩkana.  Onanwe kwa ĩsilaeli,  Kwondũ wa ũu nyĩe nĩnookie,  Ngĩvatisa andũ.  3. Na Yoana ethwa na ũkũsĩ,  Akyasya nyie nĩnoonie,  Ũla Veva Mũtheu wa Ngai,  Aimũtheea kuma ĩtunĩ.  4. Ta ĩvũĩ na wamũvũĩla,  Nakwa ndyamwĩsĩ ĩndĩ,  Ũla wandũmie kũvatisa,  Na kĩw'ũ ambĩie.  5. Ũla ũkona Veva Mũtheu,  Aimũtheea we,  Na aimwĩkaĩla ĩũlũ.  Ũsũ ena Veva.  (Amen)

98. AKASINDA ASUMBĨKE

  AKASINDA ASUMBĨKE (Zion's king shall reign victoriously) 1. Akasinda asumbĩke Mũsumbĩ wa Saioni,  Ataĩwe tene w'onthe,  Ekalĩte ndaĩanĩ.  2. Na ngo syonthe syĩ kũasa Nikaa kyona kyeni Ũtukũ nũkaaũalyũla Avete kĩvindu vyũ.  3. Nĩmakaũmantha mũno,  Andũ ma Isilaeli; O na'la mamũtonyie Nĩmakaaĩa mũno.  (Amen)

99. ŨTHAYŨŨKYE WĨA

  ŨTHAYŨŨKYE WĨA (Revive thy word o Lord) 1. Ũthayũũkye wĩa,  Ũtambũũkye kw'oko; Neena na wasya mũnene,  Tũamũkye mũno.  2. Ũthayũkye wĩa,  Naitũ tũthayũkye; Mawonzu maitũ mathele Tũmũthũkũme we.  3. Ũthayũkye wĩa, Utũne waũni,  O na nzaa ya ũlũngalu; Kwa Veva Mũtheu.  4. Ũthayũkye wĩa,  Ũsũng'ũkye syĩtwa; Ũtwĩke wendo mwingĩ; Twendane ithyonthe.  5. Ũthayũkye wĩa,  Tũthangasye mũno; Ndaĩa yaku Mwĩaĩi.  Tũathime ithyĩ.   (Amen)

100. WAAMBA KWĨW'A

  WAAMBA KWĨW'A (Just the same today) 1. Waamba kwĩw'a atĩ Yesũ asyaĩwe Vethelemu? Athaithwa nĩ alaĩka na andũ oĩ na atheu? Amatavisye andũ ata yĩla waĩ ĩkalũnĩ? Nĩ mũtanu ngĩtavany'a Yesũ ndena ũalyũko.  Yesũ ndena ũalyũko Yesũ ndena ũalyũko,  Akĩmantha andũ au.  Akĩmovosya athe nĩw'o,  Yesũ ndena ũalyũko.  2. Waamba kwĩw'a atĩ Yesũ aingĩle ũkanganĩ,  Ena amanyĩw'a make ũkanga wa Kalilii,  Waĩ na itulumo nene vyũ aikany'a syakilya? Nĩngũtana ngĩmũtavya Yesũ ndena ũalyũko.  3. Waamba kwĩw'a atĩ Yesũ avoyee Ngesemanii,  Kana kwĩw'a ũvoo wake ũndũ wakw'ie mũtĩnĩ? Ekĩtwe ngovia ya mĩw'a alekya thayũ wake? Ekie ũu nũndũ waku wose thayũ ũtathela.  (Amen)

101. MWOVOSYA NĨWOOKIE

  MWOVOSYA NĨWOOKIE (Man of sorrows) 1. Mwovosya nĩwookie,  Etawa mwene thĩna! Nake nĩ Mwana wa Ngai,  Yesũ Klĩsto, Mũtangĩĩi.  2. Nake nĩwasilĩlwe,  Akw'ĩte ngelany'onĩ Kana atũtangĩĩe; Yesũ Klĩsto, Mũtangĩĩi.  3. Ĩthyĩ twaĩ ũthũkunĩ,  Nake aĩ mũtheu vyũ; Na nĩwatwĩw'anĩthye,  Yesũ klĩsto, Mũtangĩĩi.  4. Athayũkie ĩngĩ,  Akyũma vu ngunganĩ; yu atwĩe ĩtunĩ,  Yesũ Klĩsto, Mũtangĩĩi.  5. Yĩl'ũkoka, Mũsumbĩ,  Atũtwae vala ũĩ,  Tũkamũkatha mũno,  Yesũ Klĩsto, Mũtangĩĩi.  (Amen)

102. TWĨSISYA KŨYA KAIVALĨ

  TWĨSISYA KŨYA KAIVALĨ (O for a thousand tongue to sing) 1. Twĩsisya kũya Kaivalĩ.  Ve ũmwe wambiwe Katĩ wa ala masilĩlwe; Nĩwe Mũtũtangĩĩi.  2. Nĩ ũndũ wa ũvĩtyo mwaũ Wathĩniw'e kũũ nthĩ? We ndavĩtĩtye, ĩndĩ Ngai Nĩwatũthembee we.  3. Nĩw'o, Yesũ nĩwetie Nthakame yake nthĩ,  kana mũvĩtany'a takwa Nĩekewe nĩ Ngai.  4. Na ĩngĩ Yesũ akooka,  We, Mũtangĩĩi wakwa; Ngoona vala watonyiwe Na ndĩkasilĩlwa.  (Amen)

103. AMBAITŨ

   AMBAITŨ (Sometimes we'll stand before the judgement) 1. Ambaitũ, nĩva va ũvĩtya thaũ? Nthembonĩ syonthe kũũ,  Nĩ yĩva nthembo ya nthakame ntheu Yĩtĩkĩlwa nĩ Ngai.  Nĩngũĩkĩĩa nthembo ya Yesũ,  Nĩyo yĩa'nĩe ithy'andũ Ngai nũmĩtĩkĩla yake vyũ,  Ĩsu ya Yesũ.  2. Ĩtumo nĩyamũtonyie mwĩĩ.  Na mĩsumalĩ maũũ,  Nĩweekĩiwe ngovia ya mĩw'a,  Kana nĩvĩtye thaũ.  3. Twavika ũsĩ ũla wa kĩkw'ũ,  Tũkon'ũtethyo mwaũ Nthakamenĩ ya mbũi, o na nzaũ,  Itĩ na wovosyo.  4. Na kũthaitha Ngai sya nthĩ ĩno,  O na kwĩthembea,  Nĩ mana'vyũ, a-mbaitũ, ekai ũu,  Yesũ nowe wa w'o.  (Amen)

104. NGĨLILIKANAA YESŨ KLĨSTO

   NGĨLILIKANAA YESŨ KLĨSTO (When I survey the wondrous cross) 1. Ngĩlilikanaa Yesũ Klĩsto Ũndũ wangw'ĩĩe mũkelany'onĩ,  Moseo makwa ndimatalaa,  Nĩlea onthe na ngoo yakwa 2. Onai itaa na nyaĩĩ syake! Na ngoo, yake yauma nthakame.  Kũtiĩ thĩna katĩ wa andũ Kana wendo wĩanĩe ũũ.  3. Ndĩkethĩwe nyie kwĩkathĩĩa Ndĩna vinya kwĩtethya mwene,  Syĩndũ syonthe nĩ nasyo kũũ Nĩnĩleketye ũtanu.  4. Syĩndũ syakwa syaingĩva Itĩanĩsya mavata makwa: Wendo wa Yesũ nũnzaanĩasyaa Ũndũ watumie angw'ĩĩa!.  (Amen)

105. NĨW'O YESŨ NĨWAKWIE

  NĨW'O YESŨ NĨWAKWIE (Why my saviour bleed) 1. Nĩw'o, Yesũ nĩwakw'ie Nũndũ wa naĩ sitũ; Nĩwetĩkisye nthakame Kana atwovosye.  Nĩngũĩkĩĩa, nĩngũĩkĩĩa,  Yesũ nĩwangw'ĩĩe; Ngelany'onĩ nĩwakw'ie Athasye mawathe.  2. Aumisye thayũ wake,  Nthembo ya Ngai kwitũ,  Na thĩnanĩ tũtamanya kw'a atwovosye.  3. Nĩngũnenga Ngai ngoo yakwa,  Nĩngwĩnengane vyũ,  Andekee naĩ, n'andangĩĩe,  Ambikye ĩtunĩ.  (Amen)

106. YĨLA NĨTHINGĨTHANGAW'A

  YĨLA NĨTHINGĨTHANGAW'A (I know who pilots me) 1. Yĩla nĩthingĩthangawa,  Nĩ maũndũ ma nthĩ ĩno; Ĩndĩ vatĩ ũndũ nongi,  Nũndũ nĩnĩsĩ Mũtangĩĩi.  Ĩĩ nĩnĩsĩ Mũtangĩĩi 4/4 Ambiwe ngelany'onĩ mbai,  Nĩwoonie thĩna mũno,  Athĩniwe nũndũ witũ.  2. Mũthenya ũmwe nĩnonaa,  Mathĩna maingĩ mũno; Ĩndĩ vati ũndũ nongi,  Nũndũ nĩnĩsĩ Mũtangĩĩi.  3. Mũthenya mweũ wavika,  Nĩngamwona Mũtangĩĩi,  Na nĩngathi kũu ĩtunĩ,  Nũndũ nĩnĩsĩ Mũtangĩĩi.  4. Mwĩaĩi wakwa nũndongoesyaa,  Nake nowe ũnzũvĩaa; Nĩngũmanya nĩ kyalonĩ,  Nũndũ nĩnĩsĩ Mũtangĩĩi.  (Amen)